La Tienda Republicana

Teis

A Asociación veciñal de Teis solicitará ao Concello ampliar os horarios da liña H3

Na asemblea informativa celebrada na tarde de onte, acordou solicitar ao Concello de Vigo, unha mellora dos horarios da nova liña H3, desde Teis ao hospital Alvaro Cunqueiro. A asemblea acordou que a nova liña H3 teña unha frecuencia de 60 minutos, para poder dar un bo servizo a veciñanza, que se despraza ao hospital, para consultas, probas ou visitar familiares.
 

A Asociación Veciñal de Teis, considera insuficientes os horarios da nova liña de autobús H3, anunciada onte por Abel Caballero, que comunicara Teis co hospital Álvaro Cunqueiro.

A proposta de liña non recolle ningún servizo no resto da xornada. Si un veciño/a de Teis, quer desprazarse en autobús ao hospital fora deste horario. Cal é a alternativa? Que servizo haberá os sábados, domingos e festivos?.
 
Desde a asociación, levan meses denunciando, convocaron 7 manifestacións, recolleron case 4 mil sinaturas, para contar cunha liña de autobús desde Teis ao hospital e con frecuencias.

A Asociación de Veciños de Teis presentará as firmas pedindo un autobús directo para o Hospital Álvaro Cunqueiro

Un bus urbano, parado ante o paso da manfestación. É o que piden: linea directa ao Cunqueiro
Levan recollidas case 4.000 sinaturas ca súa reivindicación que serán entregadas no Concello de Vigo o próximo martes ás 11 da mañán para que por fin se escoite a súa voz, negada nun pleno municipal.
 
 
Ao remate da manifestación, tamén no Mercado do barrio de onde saíran, Anxo Iglesias, da Asociación Veciñal de Teis, comentou a problemática que non só Teis senón outros barrios da cidade teñen para acceder ó Álvaro Cunqueiro, situado moi ás aforas de Vigo.

Manifestación para esixir un autobús direto ao Hospital Alvaro Cunqueiro dende Teis

Xa é a terceira vez que a Asociación Veciñal de Teis, a petición dos veciños do barrio de Vigo, saen ás rúas polas que non circula ningún Vitrasa que vaia ao principal hospital da cidade que está na outra punta, a varios kilómetros.
 
Dende o peche do Xeral ir ao hospital de referencia, o Álvaro Cunqueiro, sae caro en cartos e tamén en tempo. As e os veciños teñen que facer trasbordos de bus para poder ir, o que dificulta desde recibir unha atención médica de urxencia ata ir a visitar a familiares ou amizades no devandito hospital.
 

As e os veciños de Teis levarán ao pleno do Concello a súa reivindicación dun autobús directo ao Álvaro Cunqueiro.

O representante da Asociación Veciñal de Teis valorou positivamente a mobilización a pesar da choiva que caeu durante o percorrido reclamando de novo “unha conexión directa de autobús ao Álvaro Cunqueiro”. Levan recollidas unhas 2000 sinaturas en dúas semanas ca súa reclamación con ese fin e seguen a recollelas. Anuncian novas mobilizacións: outra manifestación o 25 de outubro e a súa presenza no pleno do Concello de Vigo o día 31 deste mes.
 
Suscribirse a Teis