Redacción •  Galicia •  24/05/2024

Mar Pérez Fra: «O BNG é a voz galega en Europa, seguiremos traballando para defender os intereses de Galiza»

  • O BNG presentou o cartaz de campaña nun acto que contou coa presencia de simpatizantes e militantes de toda a comarca.
  • Mar Pérez Fra: «o traballo realizado polo BNG ao longo destes anos, a través da eurodeputada Ana Miranda, é o mellor aval para estas eleccións»,
Mar Pérez Fra: «O BNG é a voz galega en Europa, seguiremos traballando para defender os intereses de Galiza»

O BNG presentou o cartaz co que pedirá o voto durante a campaña electoral de cara ao 9 de xuño. Nun acto con militantes e simpatizantes, Mar Pérez Fra afirmou que «nesta campaña faremos chegar a todas as galegas e galegos o traballo do BNG no Parlamento Europeo, a voz que defende os intereses da Galiza fronte ás políticas da Unión Europea». O acto contou coas intervencións do portavoz do BNG no Concello de Lugo, Rubén Arroxo.

«Desde o BNG imos traballar para que os problemas das galegas e galegos sigan tendo voz en Europa», afirmou Mar Pérez Fra, que engadiu «seguiremos a levar a Bruxelas as problemáticas e demandas dos nosos sectores produtivos, dos nosos concellos ou das diferentes loitas sociais». «Queremos unha Galiza viva, forte e con futuro nunha Europa diferente, unha Europa dos pobos e das persoas, dos dereitos sociais e da xustiza, unha Europa que aposte polo respecto e a paz nas relacións internacionais», explicou Mar Pérez Fra.A número 3 da candidatura do BNG ao Parlamento Europeo animou ás militantes e simpatizantes do BNG presentes no acto «a facer chegar a mensaxe, só se o BNG está as galegas e galegos contaremos con representación no Parlamento Europeo». Pérez Fra afirmou que «durante os próximos días percorreremos os distintos concellos de Lugo para facer chegar as nosas propostas a todas as veciñas e veciños, propostas realistas para unha Galiza con futuro nunha Europa diferente».


elecciones europeas /