Esquerda Unida fai un chamamento á participación na mobilización en defensa da Sanidade Pública

Compostela, 1 de febreiro de 2024. Un dos piares fundamentais dunha sociedade radica na calidade dos seus servizos públicos, aqueles que velan polas persoas en igualdade de condicións, a saúde e a súa xestión pública deberan ser irrenunciables para un goberno que priorice ás persoas frente aos beneficios.

A coordinadora nacional de Esquerda Unida, Eva Solla afirma que “a Sanidade Pública en Galicia leva máis dunha década sometida a unha xestión destrutiva por parte do Partido Popular” polo que  “a saúde das galegas e dos galegos non pode continuar en mans de quen a quere aniquilar”.

Esquerda Unida como parte integrante da plataforma SOS SANIDADE PÚBLICA,   súmase e fai un chamamento a toda a cidadanía galega para que este domingo 4 de febreiro Compostela sexa o centro de acción en defensa do noso dereito a unha atención sanitaria digna e acorde ás necesidades do noso país.

? Outro modelo de funcionamento e de xestión da #sanidade pública galega é posíbel ▶️ As 60 organizacións integradas en SOS Sanidade Pública propoñemos 13 medidas urxentes para a sanidade, a #saúde e o #benestar, e os coidados na #dependencia que queremos e que merecemos #imos4F pic.twitter.com/XnANqEHySd

— SOS Sanidade Pública Galega (@sos_sanidade) January 27, 2024