Os sindicatos denuncian á Consellería de Medio Rural por realizar «descontos ilegais» nas nóminas do Servizo de prevención de incendios forestais, en folga desde o 1 de agosto

Os sindicatos coidan que esta práctica é a resposta da Consellaría ao «éxito» da folga e que con ela pretende «amedrentar e desmobilizar» o persoal.

Segundo os sindicatos, malia ao «estrito cumprimento» dos servizos mínimos fixados, «que dan fe da máxima responsabilidade e compromiso do colectivo co servizo público», Medio Rural fixo descontos na nómina que corresponden aos días de traballo en servizos mínimos.

Os sindicatos acudirán á Xustiza para denunciar esta «vulneración grave de dereitos fundamentais», ao tempo que esixen a fin desta actuación e a devolución das cantidades detraídas.