Orgullo sindical

O sindicalismo de clase é a única ferramenta que ten a clase traballadora para facer valer os seus dereitos e defender os seus intereses.

A caverna mediática e os tertulianos traballan sen descanso no desprestixio dos sindicatos e dos sindicalistas.

Ben é certo que o sindicalismo amarelo practicado polos que entenden o sindicalismo como un medio de vida, ou ven o sindicato como unha xestora, cando non aínda peror o usan como unha ferramenta en mans da patronal, fan boa parte do traballo suxo.

Pero o sindicato ten que ser unha organización con ideoloxía, claramente de esquerdas, e os seus delegados traballadores con conciencia de clase dispostos enfrontarse aos abusos e ás inxustizas, con a seguridade de ter detrás unha organización disposta a defender a clase a quen representa.

Pero o sindicato non é un ente abstracto, é unha organización formada por traballadores e traballadoras, afiliados e organizados para ter máis forza a hora de defenderse e avanzar cara unha sociedade máis xusta.

As afiliadas e afiliados no sindicato teñen a obriga moral de participar nos procesos internos, e nas loitas que do seu sindicato, non chega con pagar a cuota.

«Na terra fan falta persoas que traballen máis e critiquen menos, que construan máis e destruan menos, que prometan menos e resolvan máis que esperen recibir menos e dar máis que digan mellor agora que mañá.»

Ernesto «Che» Guevara

Na terra precisamos sindicatos e sindicalistas de verdade, sindicalismo con maiúsculas, sindicalismo de clase.

Que viva a clase obreira!

André Abeledo Fernández (Delegado de persoal da CIG en Mercadona na Provincia de A Coruña).