La Tienda Republicana

En Marea

En Marea esixe que o Goberno do Estado permita aos Concellos regular unha bonificación do IBI que protexa as persoas con maiores problemas económicos

En Marea presentou unha Proposición non de lei na que insta á Xunta de Galicia a solicitar ao Goberno do Estado e aos grupos parlamentarios no Congreso dos Deputados levar a cabo unha modificación do artigo 74.2 TRLRFL para permitir aos Concellos regular unha bonificación de ata o 90 por cento da cota íntegra do  Imposto de Bens Inmobles (IBI) a favor daquelas persoas que acrediten unha situación económica de insuficiencia de rendas familiares.
 

En Marea traballará para acabar co sistema educativo desigual con alumnos "de primeira e segunda" que está a impoñer o PP“

A deputada de En Marea, Luca Chao, preocupación que compartimos de como a LOMCE está a poñer en risco a igualdade de oportunidades tamén no eido educativo. “O PP está a impor un sistema educativo desigual con alumnos e alumnas de primeira e de segunda“ denunciou a deputada de En Marea asegurando que En Marea traballará na defensa dun sistema educativo universal e gratuíto e contra o camiño imposto polo PP.
 

En Marea esixe á Xunta de Galicia que escoite á cidadanía e demande a retirada inmediata as reválidas previstas pola LOMCE na ESO E Bacharelato

O grupo parlamentario de En Marea mantivo unha xuntanza na tarde do martes coa Confederación de Asociacións de Nais e Pais de Galicia no Parlamento de Galicia na que se puxo de manifesto o rexeitamento tanto as probas de revalida como a propia LOMCE. A deputada de En Marea, Luca Chao, lembrou que a defensa do ensino público é unha prioridade para En Marea e para iso é imprescindible en ter unha interlocución directa coa comunidade educativa.

Antón Gómez-Reino: “Estamos en contra dos centros de internamento de estranxeiros porque ningunha persoa é ilegal”

O grupo parlamentario confederal Unidos Podemos – En Comú Podem – En Marea presentou este venres unha batería de iniciativas parlamentarias para solicitar o peche dos centros de internamento de estranxeiros, por unha banda, e para esixir a comparencia no Congreso dos Deputados dos responsables institucionais para expliquen na Cámara Baixa o sucedido esta semana no CIE de Aluche en Madrid, pola outra.

En Marea esixiralle á Xunta que explique por que prioriza a institucionalización de menores fronte ao acollemento en unidades familiares

Na mañá do xoves as deputadas de En Marea Paula Vázquez Verao e Eva Solla mantiveron unha xuntanza coa Asociación Galega de Acollemento de Familia Externa do Menor (AGAFEM) para coñecer as preocupacións deste colectivo coas políticas sociais que está aplicando a Xunta con respecto ao acollemento de nenos e nenas que non poden medrar cos seus proxenitores, fomentando o recurso de centros privado-concertados fronte á recomendación de favorecer o crecemento na contorna familiar.

En Marea logra no Congreso sacar adiante a súa proposta para impedir a recalificación da superficie queimada antes de 30 anos

A Comisión de Agricultura, Alimentación e Medio Ambiente aprobou este mediodía a proposición non de lei de En Marea que demanda a derogación do cambio feito polo PP na Lei de Montes de 2015 para que se poidan recalificar terreos calcinados antes dos 30 anos dun incendio. A única formación política que se posicionou en contra da iniciativa de En Marea foi o PP, o resto de grupos intervintes explicitaron o seu total respaldo a esta proposición.

Temas: 

En Marea denuncia que o PP está a deixar un país invertebrado e incomunicado a nivel ferroviario

A deputada de En Marea, Yolanda Díaz, reuniuse esta semana con respresentantes sindicais do sector ferroviario de Galicia para coñecer as súas demandas e saber como está a situación do ferrocarril na nosa comunidade e que pasa principalmente pola modernización das liñas convencionais de ferrocarril en Galicia.

Yolanda Díaz destacou a importancia da rede de ferrocarril, xa que como mesmo salientou ao remate da xuntanza, “estamos a falar dun elemento de centralidade democrática e de cohesión social e económica de Galicia”.

En Marea priorizará no Parlamento galego a loita contra a pobreza, a corrupción e a defensa do emprego

Os deputados e deputadas de En Marea da X Lexislatura acudiron esta mañá ao Rexistro do Parlamento Galego para entregar as credenciais e recoller as actas de parlamentarios. Trala presentación, o portavoz de En Marea espuxo cales van ser as liñas prioritarias do grupo parlamentario durante os primeiros meses. “Estarán encamiñadas a buscar o crecemento económico vinculado ó benestar social, á loita contra a probreza e a exclusión social e en terceiro lugar a loita contra a corrupción”, sinalou Luís Villares.

Temas: 

En Marea reclamará un Plan Estratéxico de Saúde Mental que recoñeza os dereitos sanitarios das persoas afectadas

Villares dixo que “con esta xuntanza estamos dando continuidade a un traballo que xa iniciamos durante a campaña, que consiste en atender as demandas da sociedade civil escoitando os colectivos que o integran. Nese senso hoxe adquirimos unha serie de compromisos urxentes que trasladaremos á Cámara galega, entre eles o cumprimento dos dereitos fundamentais das persoas con doenzas mentais e que estes se integren na Consellería de Sanidade”.

Antón Sánchez critica o completo fracaso da Xunta de Galicia en materia de xestión de residuos

Sánchez fixo este anuncio en Lousame (A Coruña) logo dunha xuntanza coa Plataforma contra o vertedoiro de residuos industriais, proxecto que prevende desenvolverse sobre unha superficie de 20 hectáreas de solo rústico de protección forestal e que ten previsto que ata o 81% do refugallo sexa enterrado sen ningún tipo de tratamento previo, o que podería afectar a varios acuíferos para uso humano e gandeiro.

Páginas

Suscribirse a En Marea