Galicia

En Marea fai un chamamento á cidadanía a participar esta tarde na mobilización en apoio aos traballadoras e traballadores de Extel para evitar 205 despedimentos

Desde En Marea consideran inxusto e inxustificado o ERE presentado pola empresa coa que pretende acabar con 205 postos de traballo no centro da Coruña alegando unha baixada de chamadas que nada ten que ver coa realidade. Por este motivo, En Marea instou á empresa a reconsiderar a decisión e esixe ao goberno en funcións da Xunta de Galicia que medie neste conflito laboral de xeito inmediato.
 

En Marea pide explicacións no Congreso dos Deputados pola omisión de documentos do accidente ferroviario de Angrois

A portavoz de En Marea no Congreso, Alexandra Fernández, solicitou onte a comparecencia do Ministro de Fomento, Rafael Catalá, e do Presidente de Adif, para que expliquen en sede parlamentar as razón de ter “omitido por erro” durante tres anos a entrega ao Xulgado do caso Alvia de documentación relativa ás análises de risco da liña de alta velocidade Ourense-Santiago requeridos ao inicio da instrucción.
 

Temas: 

Antón Sánchez: “Non se pode consentir que máis do 50% dos despedimentos de EXTEL a nivel estatal sexan en Galicia”

“Estamos apoiando ao sector dos teleoperadores, o que mellor simboliza o modelo de precariedade, de recorte dos dereitos laborais e de represión sobre os traballadores que se mobilizan defendendo os seus dereitos”, denunciou o deputado electo de En Marea Antón Sánchez, que engadiu que “non se pode consentir que máis da metade dos despedimentos de EXTEL sexan en Galicia”, pois o 58% das baixas que a empresa plantexa para o conxunto do Estado son do plantel da Coruña.

O Colexio de Xornalistas reclama aprobar unha lei de transparencia galega e avanzar no dereito de acceso á información

O 28 de setembro celébrase o Día Internacional do Dereito a Saber, unha xornada conmemorativa establecida en 2002 para concienciar á poboación sobre a importancia do dereito á información e impulsar sociedades abertas e democráticas nas que a cidadanía participe das decisións públicas. O dereito a saber, que garante o acceso á información das institucións, é unha ferramenta fundamental para a rendición de contas e o exercicio do dereito á información, recoñecido na nosa contorna desde a aprobación da Lei de Transparencia, acceso á información pública e bo goberno no 2013.

Páginas