Galicia

O falecido contrabandista Terito segue figurando como un dos propietarios da sede do PP en Cambados

O PP local vén denunciando que o marido da alcaldesa de Cambados, a socialista Fátima Abal, foi administrador dunha empresa inmobiliaria propiedade dun cuñado que, como contou El País, foi investigado como presunto lancheiro de contrabandistas e narcotraficantes nos anos noventa.

Esquerda Unida denuncia o gravoso investimento en obras para o Gaiás por parte do Goberno Galego

Compostela, 20 de xaneiro de 2019. Esquerda Unida ten denunciado durante estes anos que a Cidade da Cultura é un buraco negro que devora tanto os investimentos como a acción política en materia cultural de Galicia. Agora, sabemos que o Goberno Galego ten previsto gastar outros 27 millóns en obras no Gaiás ata o ano 2021, un feito claramente vergoñento.

Luís Villares apela a protagonizar en Tui “unha primavera democrática e social despois da invernía propiciada polos traficantes de alcaldías da dereita”

Un proxecto que naceu hai catro anos como Son de Tui, formando parte do goberno municipal nunha coalición que dous anos máis tarde tumbaría a dereita cun pacto que sumiu á localidade “nunha invernía que deu lugar a unha absoluta innoperancia na acción de goberno, no que moitos proxectos quedaron truncados”, explicou o voceiro de En Marea.

Temas: 

Esquerda Unida lamenta que a Fiscalía renuncie a investigar á FNFF por delitos de odio

Eva Solla, coordinadora nacional de Esquerda Unida e vicepresidenta do Parlamento de Galicia, vén de manifestar esta mañá a súa sorpresa por coñecer, dende os medios de comunicación, a resposta da Fiscalía “da que aínda non tíñamos ningunha notificación oficial”, respecto á denuncia interposta á Fundación Nacional Francisco Franco (FNFF) por delitos de odio e negación de crimes de lesa humanidade do franquismo. “Polo que coñecemos nos medios, lamentamos que a Fiscalía renuncie a investigar a apoloxía dun réxime sanguento como foi o réxime franquista”, expón Eva Solla.

Eva Solla: “Galicia sofre unha crise sanitaria descomunal e cada ano hai saturacións e colapsos nas Urxencias”

“Galicia sofre unha crise sanitaria e, cada ano, hai saturacións e colapsos nas Urxencias. Mentres, a Consellería non move un dedo nin atendede as demandas das e dos profesionais”, dixo Solla, para quen a Consellería de Sanidade “ten moi mal tratada a prevención e a atención primaria. Para ofrecer unha mellor atención primaria son necesarios máis profesionais, porque con 50 atencións diarias é imposible que se faga ben o traballo”, sinalou.

Páginas