La Tienda Republicana

A representación sindical acorda por unanimidade non asinar o ERE de Extel "porque non existen causas"

21/10/2016

A representación sindical acorda por unanimidade non asinar o ERE de Extel "porque non existen causas". As mobilizacións continuaron co rodeo da Torre de Hércules na Coruña o pasado 18 de outubro.

A representación sindical manifestou unha vez máis o seu rotundo non ao fraudulento ERE presentado por Extel, que hoxe deu por concluído período de consultas. O acordo que a empresa pretendeu até o último momento mercadeando coas contías económicas foi rexeitado polo conxunto da representación sindical que, por unanimidade, acordou non asinar o expediente.

Neste senso, dende a Sección Sindical da CIG subliñan que "o único acordo posíbel é a retirada do ERE e o mantemento de todos os postos de traballo". "Seguimos crendo que non hai causas que xustifiquen ningún despedimento. E por iso, hoxe, toda a representación decidiu por unanimidade non asinar este ERE". Unha decisión que a central nacionalista valora de xeito moi positivo.
 
Pola contra, a Sección Sindical lamenta que, a pesar da oposición frontal dos traballadores e traballadoras, a empresa proseguira no seu intento de despedir a 167 empregadas/os na Coruña, pois, nun desesperado intento por chegar a acordo, a patronal rebaixou pola mínima o número de persoas afectadas ao tempo que incrementaba as indemnización até os 33 días cun tope de 12 mensualidades.
 
Paradoxalmente, as últimas cifras de despedimentos manexadas por Extel supuñan incrementar a porcentaxe de persoas afectadas na plataforma da Coruña, xa que as 167 rescisións formuladas constitúen o 63% do total de despedimentos a nivel de estado, "o que supón un auténtico drama social".
 

Añadir nuevo comentario

Comentarios

Plain text

  • No se permiten etiquetas HTML.
  • Las direcciones de las páginas web y las de correo se convierten en enlaces automáticamente.
  • Saltos automáticos de líneas y de párrafos.
CAPTCHA
Esta pregunta es para comprobar si usted es un visitante humano y prevenir envíos de spam automatizado.